MAGOSTO

 Ainda que non puidemos festexar o Magosto como nos gustaría, intentamos ter presente un cachiño desta tradición tan arraigada a nós.

Que viva o Magosto!

MAGOSTO NO ALBERGUE DE GANDARÍO

Aquí tedes as fotos da saída que fixemos ao Albergue de Gandarío para festexar o Magosto. Ademáis de cantar e comer castañas tamén fixemos varios obradoiros cos nenos e nenas das demáis escolas do CRA.
Grazas ao Concello de Bergondo e aos voluntarios de Protección Civil por axudarnos e asarnos as castañas!
   

OBRADOIRO EN FAMILIA SAMAÍN- MAGOSTO

Como non podía ser doutra maneira no Samaín contamos coa axuda das familias para adornar cabazas de forma divertida e facer caixiñas para poder comer as castañas do magosto.
Moitas grazas ás familias que viñeron ao obradoiro, pasámolo de medo jajaja! Premede enriba da imaxe para ver máis fotos!

 

E aquí estamos caracterizados con traxes e máscaras que asustan un montón!

MAGOSTO NO ALBERGUE DE GANDARÍO

Aquí están as fotos da festa do MAGOSTO que fixemos todas as escolas do CRA no Albergue de Gandarío!

Grazas ao Concello de Bergondo por deixarnos pasar o día nas instalacións e a Protección Civil por asar as castañas e coidar de todas e todos nós!

Preme enriba da imaxe para velas!

MAGOSTO E SAMAÍN 2016

Este curso festexamos o MAGOSTO na Senra e mesmo parecía un día de verano! Tivemos unha actuación de teatro e comemos unha morea de castañas! Riquísimas!! Pasámolo xenial!
Toda esa semana na escola tivemos expostas as cabazas que con tanto mimo e emoción fixeron os nenos e nenas na casa coa axuda das familias!Grazas por participar!

 
Clica dúas veces no vídeo para escoitar a música!
 

DIVERTIDO MAGOSTO E SAMAÍN 2015!

Este curso mirade se xa se nota que vai pasando... que xa festexamos o Magosto e o Samaín en Carrio.
Fixemos diferentes actividades terroríficamente chachis!

As familias participaron nuns Obradoiros Artísticos de adorno de cabazas ben divertidas! As landras, castañas e distintos elementos ornamentais fixeron as delicias de nenos/as creando libremente cada un o seu colar de zonchos, recuperando deste xeito unha tradición moi fermosa e arraigada no Concello de Bergondo. As follas tamén tiveron o seu papel protagonista como non podía ser doutro xeito no noso Proxecto sobre os Bosques.Mil grazas por acompañarnos!

Os monstruos, as bruxas, as pantasmas e incluso as arañas e os gatiños quixeron visitar a nosa escola para pasar unha divertida semana xunto coas cabazas magosteiras!A ver se recoñecedes a estes bruxos e bruxas...e tede coidado coas súas pócimas... pois unha vez que os tratedes...quedaredes "encantados" para sempre polo feitizo do amor!

Ademáis como todos os anos fixemos a nosa particular visita Á Senra para festexar o Magosto, ver unha obra de teatro ben divertida titulada "O lobo bobo" e visitar a exposición de cabazas do cole dos maiores. No Magosto contamos coa colaboración especial de María José, avoa de Mateo que fixo de castañeira asando os froitos típicos do día!

MAGOSTO E SAMAÍN 2014

MARCHAMOS DE EXCURSIOOOOOOOOOOOOÓN TERRORÍIIIIIIIIIIIIFICA!

O prometido é débeda e aquí están as fotos da excursión máis terrorífica e divertida que fixemos este curso...
Primeiro fomos á SENRA a un contacontos moi especial no que...os contos bailaban!!!
Pasámolo moi ben e escoitamos historias ben divertidas!!

Pero aquí non rematou o día...amiguiños e amiguiñas...quedaba o máis arrepiante de todo...a visita á Exposición de Cabazas do cole dos maiores!!!

E tanto medo e tanta risa...dounos fame! Menos mal que tivemos a sorte de poder festexar o Magosto cos castañeiros de Bergondo! As castañas estaban...deliciosas! Que viva o Magosto, que vivan as castañas galegas!

BO SAMAÍN/HALLOWEEN!

MAÑÁ DÍA 30 DE OUTUBRO...
TEREMOS FESTA RACHADA EN BERGONDO!
VISITAREMOS A EXPOSICIÓN DE CABAZAS DO CPI CRUZ DO SAR, COMEREMOS CASTAÑAS FESTEXANDO ASÍ O MAGOSTO 2013 E ESCACHAREMOS DA RISA COS CONTOS NO EDIFICIO DA SENRA!

PERO ESTES DÍAS XA ESTIVEMOS FESTEXANDO O SAMAÍN NA ESCOLA DE CARRIO...MIRADE ESTE VÍDEO SE SODES VALIENTES! JAJAJAJAJA!!

SAMAÍN E MAGOSTO 2012

Aquí vos deixamos a reportaxe da nosa andaina no "cole dos maiores" cando a semana pasada fomos convidados a ver a súa exposicion de cabazas. Tamén asistimos no edificio da Senra a un espectáculo ben divertido. Finalmente comemos castañas feitas por un amigo bergondés que estaban...boísimas! Rematamos a festa xogando e gozando no parque infantil municipal de Santa Marta!!

"XA CHEGOU O MAGOSTO

QUE VIVA A FESTA RACHADA

OS MENIÑOS DO CRA DE BERGONDO

TIVERON O MARTES PASADO

CASTAÑADA!!!"

CASTAÑAS PRESUMIDAS

ESTAMOS PREPARANDO UNHA BOA PARA ESTE VENRES...JEJE

PERO PARA ISO...AS CASTAÑAS TEÑEN QUE PASAR POLO SALÓN DE BELEZA!