GALEGOS NO MUNDO: BORNEO

Unha vez máis recibimos noticias dalgún galego nalgunha parte do mundo. Desta vez Carmela, a curmá de Saleta estaba viaxando por Borneo e acordouse das nenas e nenos de Carrio.

Ensinounos como mercan e venden alí nos chamados mercados flotantes, sendo case sempre mulleres as que navegan nas súas barcas ofrecendo productos como ovos, flores, artesanía, froita...

Viven en casas de madeira e levan uns sombreiros feitos con follas de palma.

Tamén nos amosou que en Borneo hai un lugar onde habitan uns animais que están en perigo pola tala masiva das árbores onde eles viven: os orangutanes. Un destes lugares onde conservan e loitan por defender e coidalos  é Tanjung Puting, onde rehabilitan a exemplares rescatados.

Moitas grazas Carmela por amosarnos un anaquiño deste lugar tan espectacular!