ANTROIDO 2018

As escolas do CRA de Bergondo este curso estuveron invadidas por romanas e romanos ben preparados!
Cada día tiñamos que levar un complemento relacionado con proxecto que estamos a desenvolver!
Aquí tedes o resultado!

Tamén fixemos un obradoiro de máscaras do Antroido galego coa axuda das familias. Pasámolo xenial e quedaron moi, moi ben! Grazas por todo familias de Carrio!!!

Preme enriba desta foto para ver máis imaxes do obradoiro!

ANTROIDO GALEGO: PELIQUEIROS, BOTEIROS, PANTALLAS, VERGALLEIROS...GALICIA CALIDADE!!

Este curso no CRA de Bergondo quixemos ter un Antroido 100% galego! Visitounos nas escolas unha boteiro de Viana do Bolo coa profe Dolores, tivemos a sorte de ver as máscaras de peliqueiro de Laza, de pantalla de Xinzo de Limia e de Vergalleiro de Sarreaus, grazas aos profes Isa e Ricardo.

Lola fixo unha viaxe xenial para coñecer as máscaras de primeira man!!

Ademáis quixemos elaborar a nosa propia máscara de peliqueiro e contamos coa axuda das familias e de varios profes do cole.

A todo isto...non podíamos deixar de lado ao noso querido mar e fixemos sombreiros de faro e de pirata. 

O último día tivemos unha festa rachada na escola e molou moito porque viñemos todos e todas disfrazados de cousas relacionadas co mundo mariño. Grazas ás familias pola vosa implicación!

PELIQUEIROS DE CARRIO

Dende hai uns días estamos a traballar na clase a provincia de OURENSE dentro do proxecto sobre GALICIA que estamos a levar a cabo na nosa aula.

Aproveitando que a tradición do ENTROIDO é algo moi significativo e arraigado a moitos dos lugares máis coñecidos desa provincia (entre outras) e tamén como coa profe Dolores estuveron traballando aspectos relacionados co tema, quixemos aventurarnos nunha actividade moi motivadora e creativa: convertirnos en PELIQUEIROS creando as máscaras típicas do seu traxe.
O proceso durou varios días pero ao ver o resultado...valeu a pena! Pasámolo moi ben e sobre todo...hai que valorar o esforzo que puxemos todos e todas, incluidas as persoas colaboradoras! Grazas!
    

Aquí como comezamos facendo as máscaras. Nestoutro como as pintamos e decoramos! E aquí...o resultado!