Entre as moitas actividades que fixemos no Nadal están as fermosas postais que elaboramos para un concurso do Concello de Bergondo. Non gañamos pero quedaron tan chulas que iso xa é xenial!
Preme enriba para ver máis fotos!
Aquí tedes as fotos do OBRADOIRO DE NADAL que fixemos grazas á colaboración e axuda das familias.
Preme enriba para ver máis fotos!
E na época de Nadal, ademáis de adornar un pouco a aula e a escola, todos os anos colocamos na aula un calendario especial para ir facendo a conta atrás ata o día 24. Este curso aproveitamos teas que tiñamos e dentro foron diferentes sorpresas, entre elas o AMULETO DO NADAL, para que todas e todos nos recarguemos con boa enerxía!
Aquí estamos de volta no blogue de aula! Esta actividade da que vos imos falar levámola a cabo no primeiro trimestre pero continuremos durante todo o curso porque os galegos e galegas andamos polo mundo adiante sen parar! O primeiro "galego" do que recibimos novas e con quen comezou todo foi... Pablo, o pai de Uma! De orixe arxentina, leva vivindo en Galicia dende hai uns cantos anos pero hai uns meses puido viaxar a Bos Aires e reencontrarse coa súa familia na Arxentina.
Amosounos como eran algunhas das zonas da sua infancia como o Parque Centenario, o Estadio Luna Park e mesmo puidemos escoitar en directo a música típica arxentina por excelencia, o tango. Tamén nos "levou de visita" ao Museo de Historia Natural onde puidemos ver un montón de fósiles e representacións de dinosaurios. Coñecimos anaquiños da cidade de Bos Aires grazas a ti Pablo!!! Estamos moi contentas/os!